ബെംഗളൂരു : രണ്ട് ദിവസം മുൻപ് പ്രസിദ്ധീകരിച്ച വാർത്തയിൽ ഞങ്ങൾ പറഞ്ഞിരുന്നു കർണാടക ആർ ടി സി ക്രിസ്തുമസ് ബുക്കിംഗ് ഉടൻ തന്നെ ആരംഭിക്കും എന്ന്.ആർ ടി സി യുമായി ബന്ധപ്പെട്ടപ്പോൾ അവർ നൽകിയ വിവരമായിരുന്നു അത്. സാധാരണ 30 ദിവസം മുൻപ് ആണ് കർണാടക ആർ ടി സി യുടെ ബുക്കിംഗ് ആരംഭിക്കുന്നത്. അത് പ്രകാരം ക്രിസ്തുമസുമായി ബന്ധപ്പെട്ട് ഏറ്റവും തിരക്കുള്ള ഡിസംബർ 23 ന് ഉള്ള ടിക്കറ്റുകൾ ഇപ്പോഴേ കൊടുത്തു തുടങ്ങേണ്ടതാണ്. എന്നാൽ ഓൺലൈനിലും നേരിട്ട് കൗണ്ടറുകളിലും ഡിസംബർ 19 വരെയുള്ള ടിക്കററുകൾ മാത്രമേ ബുക്കിംഗ് ചെയ്യാൻ കഴിയുന്നുള്ളൂ. ചില്ലറ പ്രതിസന്ധിയാണ് ഇതിന് കാരണമെന്നാണ് കർണാടക ആർ ടി സി അറിയിച്ചത്.
അതു കൊണ്ട് തന്നെ ഓൺലൈൻ ബുക്കിംഗും നിർത്തിവച്ചിരിക്കുകയാണ് .പ്രതിസന്ധി പരിഹരിച്ചു വരുന്നതിനാൽ ഉടൻ തന്നെ ബുക്കിംഗ് തുടങ്ങുമെന്നും കെ എസ് ആർ ടി സി അധികൃതർ അറിയിച്ചു .
യാത്രക്ക് 45 ദിവസം മുൻപ് തന്നെ ബുക്കിംഗ് തുടങ്ങിയ കേരള ആർ ടി സിയെയും നോട്ട് പ്രതിസന്ധി ബാധിച്ചിട്ടുണ്ട്, ഇപ്പോഴും ക്രിസ്മസ് സമയത്തെ പല ബസുകളിലും ടിക്കറ്റ് ല്യമാണ് .ഉൽസവകാലങ്ങളിൽ സാധാരണയായി ബുക്കിംഗ് ആരംഭിച്ച് ഒന്നോ രണ്ടോ ദിവസത്തിൽ മുഴുവൻ ടിക്കറ്റുകളും വിറ്റ് തീരുകയാണ് പതിവ്. ഇപ്രാവശ്യത്തെ ക്രിസ്ത്മസ് ഞായറാഴ്ച വന്നതും നാട്ടിലേക്കുള്ള ഒഴുക്ക് കുറയാൻ കാരണമായിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
